القصيدة 08

ثوب كل يوم

حكمةوفاء

علموا اللي كل يومٍ يقابلنا بثوب

ما يخدرنا كلامه مع من خدّره

إن لقينا اللعب نزحف مع جوٍ لعوب

وان هبطنا سوق طيبٍ خذينا ندّره

العرب ما هيب تعلم مسدات الغيوب

ووارد الما ما يدلّه يكود مصدّره

ولا تجيك الحصبه إلا من فراش محصوب

وحبة الجدري تجي من فراش مجدّره

والمحب أذنيه ماهيب تسمع للعيوب

والعدو لا درهمت به تجي متحدّره

دامت الأخلاق يملك بها الواحد شعوب

ياجب إنها في جميع الأمور مبدّره

وان لقيناها طويله وموخرها سحوب

والمرض فيها فحوله تهيّج فدّره

ان قدرنا نقفل الباب من دون الهبوب

ولاّ جا درب لنا والقني مسدّره

الأصايل كل يوم تلافح بالكعوب

والردي لا عيّن اللي يهينه قدّره

ولا تعرف حسابك إلا ليا صرت محسوب

وشرهة القادر على العالم المتقدره

فالمقابل نفتح له دواليب القلوب

والمقفي قلعة الوادرين تودّره